Azərbaycan News Agency

İsrail Müdafiə Qüvvələrinin (IDF) açıqlamasında Qəzza zolağının şimalında keçirilən əməliyyatlar barədə məlumat verilib.

Açıqlamada deyilir: «IDF qüvvələri razılaşmaya uyğun olaraq sarı xətt yaxınlığında fəaliyyət göstərən silahlı şəxsləri müəyyən edib».

Məlumatda qeyd olunur: «Həmin şəxslər hava zərbəsi ilə zərərsizləşdirilib və bununla da IDF qüvvələrinə qarşı təhlükə aradan qaldırılıb».

Açıqlamada həmçinin bildirilir: «Gün ərzində Qəzza zolağının cənubunda fəaliyyət göstərən və döyüş texnikası daşıdığı deyilən digər şəxslər də hədəfə alınıb».

Açıqlamada vurğulanıb ki, hücumdan əvvəl mülki şəxslərə zərər verilməməsi üçün tədbirlər görülüb: «Dəqiq sursatlardan istifadə olunub və hava müşahidəsi aparılıb».

IDF bildirib ki, bölgədə yerləşdirilən bölmələr bütün təhlükələri aradan qaldırmaq üçün fəaliyyətlərini davam etdirir.