Azərbaycan News Agency

İsrail Müdafiə Qüvvələri (IDF) Hermon bölgəsində Suriya ərazisinə keçən iki İsrail vətəndaşının təhlükəsizlik qüvvələri tərəfindən saxlanılaraq ölkəyə geri qaytarıldığını açıqlayıb.

IDF-in açıqlamasında bildirilib ki, hadisə səhər saatlarında baş verib və iki İsrail vətəndaşı Hermon bölgəsindən Suriya sərhədini keçib.

Bölgəyə operativ şəkildə çatan İsrail hərbçilərinin həmin şəxsləri müəyyən edərək ölkəyə geri qaytardığı və saxladığı bildirilib.

Açıqlamada qeyd olunub ki, saxlanılan şəxslər barələrində hüquqi prosedurların davam etdirilməsi üçün İsrail polisinə təhvil veriləcəklər.

IDF sərhəd pozuntusunu sərt şəkildə pisləyərək bildirib ki, hadisə bölgədə həyata keçirilən hərbi fəaliyyətlərə ciddi maneə yaradıb və xidmətdə olan hərbçilərin təhlükəsizliyini risk altına salıb.

IDF bəyanatında deyilir: "Bu hadisə bölgədə fəaliyyət göstərən IDF qüvvələrinin təhlükəsizliyi üçün ciddi risk yaradır." Həmçinin vurğulanıb ki, səlahiyyətli qurumlar oxşar pozuntuların təkrarlanmaması üçün məsul şəxslərə qarşı "qanunun bütün tələblərini tətbiq etməyə borcludurlar".