Azərbaycan News Agency

İranın yüksək səviyyəli nümayəndə heyəti, Parlament sədri Məhəmməd Baqir Qalibaf və xarici işlər naziri Abbas Əraqçinin rəhbərliyi ilə İslamabadda keçiriləcək rəsmi görüşlərdə iştirak etmək üçün Pakistana gəlib.

Nümayəndə heyəti paytaxta gəlişi zamanı Pakistanın Baş nazirinin müavini və xarici işlər naziri Məhəmməd İshaq Dar, Milli Assambleyanın sədri Sərdar Ayaz Sadiq, Baş Qərargah rəisi Seyid Asim Munir və daxili işlər naziri Seyid Mohsin Raza Naqvi tərəfindən qarşılanıb.

Görüşlərin tərəflər arasında konstruktiv dialoq mühiti yaratması və mövcud regional məsələlərin həlli üçün diplomatik təmasları gücləndirməsi gözlənilir. Pakistan rəhbərliyi bu prosesdə vasitəçi rolunu davam etdirmək və dialoq kanallarını açıq saxlamaq iradəsini bir daha ifadə edib.

İslamabadda başlayan görüşlərin gün ərzində davam edəcəyi gözlənilir.