İran Tacikistandakı terror hücumunu qınayıb
Tehran, 28 noyabr (Hibya) – İran Xarici İşlər Nazirliyinin sözçüsü Əsmail Bağaeyi Tacikistanın Xatlon vilayətinə aid Şəmsəddin Şohin bölgəsində baş verən terror hücumuna reaksiya bildirib.
Bağaeyi Tacikistanın Şəmsəddin Şohin bölgəsində baş vermiş və ölkədə çalışan üç Çin vətəndaşının həlak olmasına səbəb olmuş terror hücumunu pisləyib.
O, hücumda həlak olanların ailələrinə başsağlığı verərək Tacikistan və Çin hökumətləri ilə həmrəy olduqlarını bildirib.
Sözçü həmçinin İran İslam Respublikasının terrorizmin bütün növlərini qətiyyətlə rədd edən prinsipial mövqeyinə diqqət çəkərək, terrorizmin qarşısının alınması və onunla mübarizə üçün çoxtərəfli əməkdaşlığın gücləndirilməsinin vacibliyini vurğulayıb.
Azərbaycan İnformasiya Agentliyi
Facebook
Tweeter
Whatsapp
