Azərbaycan News Agency

İsrailin Mülki Müdafiə Komandanlığı vətəndaşları uzun mənzilli raket hücumlarından qorumaq üçün erkən xəbərdarlıq sistemini yeniləyib.

Yeni tənzimləməyə əsasən, erkən xəbərdarlıq mesajları bölgələrə daha dəqiq şəkildə çatdırılacaq və vətəndaşlara lazımsız xəbərdarlıqlar göndərilməyəcək. Bununla fövqəladə hallarda gündəlik həyatın fasiləsiz davam etməsi hədəflənir.

Rəsmilər müdafiə təlimatlarında hər hansı dəyişiklik olmadığını bildirərək, erkən xəbərdarlıq alındıqda vətəndaşların ən təhlükəsiz sığınacağa keçməli və hadisə bitənədək orada qalmalı olduqlarını xatırladıblar.

Komandanlıq müharibə müddətində əməliyyat və texnoloji baxımdan davamlı qiymətləndirmələr aparıldığını və əsas məqsədin insan həyatını qorumaq olduğunu vurğulayıb.