Azərbaycan News Agency

İsrail ordusu Livanın cənubundakı təhlükəsizlik zonasında fəaliyyət göstərən 769-cu Briqadanın Döyüş Qrupunun Əl-Xiyam kəndində apardığı axtarışlar zamanı silahlar və Hizbullahla əlaqəli olduğu iddia edilən əşyalar aşkar etdiyini bildirib.

Axtarışlar zamanı mülki yaşayış evində silahlarla yanaşı, Hizbullahla əlaqələndirilən simvolların olduğu uşaq otağının da müəyyən edildiyi iddia olunub. Həmçinin bölmələrin partlayıcı pilotsuz uçuş aparatlarının (PUA) saxlanıldığı anbarı məhv etdiyi, bölgədə raketlər, Kalaşnikov avtomatları, dəbilqələr, qoruyucu jiletlər, döyüş sursatları və partlayıcı PUA-lar ələ keçirdiyi bildirilib.

İsrail ordusu Hizbullahın İsrail vətəndaşlarına və hərbi bölmələrinə zərər vurmasına imkan verməyəcəyini bəyan edərək, təhdidlərin aradan qaldırılması istiqamətində fəaliyyətini davam etdirəcəyini və atəşkəs razılaşmasına sadiq qalacağını bildirib.