Azərbaycan News Agency

İsrail Müdafiə Qüvvələri (IDF) İsrail ordusu və Şin Bet-in Qəzza zolağının cənubundakı Qəzza şəhərində iki gün əvvəl həyata keçirilən hücumda Həmas-ın hərbi kəşfiyyat bölməsində vəzifə yerinə yetirən Məhəmməd Halavanın öldürüldüyünü açıqlayıb.

Açıqlamada keçən həftə təşkil edilən başqa bir hücumda isə Həmas-ın hərbi qanadında mühəndislik komandiri kimi fəaliyyət göstərən Əhməd Zahir Fuad Əbu Udənin öldürüldüyü qeyd edilib.

İsrail ordusu həmin şəxslərin İsrail qüvvələrinə və İsrail vətəndaşlarına qarşı hücum planları həyata keçirdiyini və Həmas-ın potensialını yenidən bərpa etməyə çalışdığını irəli sürüb. Açıqlamada hücumların atəşkəsin sistemli şəkildə pozulması səbəbindən həyata keçirildiyi müdafiə olunub.

İsrail ordusu həmçinin təhlükəsizlik qüvvələrinin razılaşma müddəa və şərtlərinə uyğun olaraq bölgədə yerləşməyə davam edəcəyini və fəaliyyətlərini davam etdirəcəyini bildirib.