Azərbaycan News Agency

İsrail ordusu İsrailin Daxili Təhlükəsizlik Xidməti Şin Bet ilə koordinasiyalı şəkildə Qəzza şəhərində həyata keçirilən hücumda HƏMAS-ın Ümumi Təhlükəsizlik Strukturunun yüksək vəzifəli əməkdaşı Əkrəm Bəssam Şaban Yasinin öldürüldüyünü bildirib.

Açıqlamada HƏMAS-ın Ümumi Təhlükəsizlik Strukturunun təşkilatın yüksək vəzifəli şəxslərinin təhlükəsizliyinə cavabdeh olduğu, kəşfiyyat məlumatları topladığı və təhlükəsizlik qüvvələri ilə bağlı məlumatları təşkilatın qərar qəbuletmə proseslərində istifadə etmək üçün təhlil etdiyi iddia olunub.

Yasinin son dövrlərdə İsrail hərbçilərini və mülki vətəndaşlarını hədəf alan hücum planlarını irəli apardığı və yeni hücum cəhdlərində iştirak etdiyi iddia edilib.

İsrail ordusu əməliyyatın HƏMAS-ın Ümumi Təhlükəsizlik Strukturunun yüksək vəzifəli şəxslərini hədəfə almağa və Qəzza zolağındakı imkanlarını zəiflətməyə yönəlmiş davamlı səylərin bir hissəsi olduğunu bildirib.