Azərbaycan News Agency

Avropa İttifaqı Şurasının Prezidenti Antonio Koşta Liviya Parlamentinin Türkiyə ilə Aralıq dənizində dəniz yurisdiksiya sahələrinin müəyyənləşdirilməsinə dair memorandumu təsdiqləməsinə münasibət bildirib.

Koşta Avropa İttifaqının (Aİ) bu məsələ ilə bağlı mövqeyinin 2019-cu ildə Avropa İttifaqı Şurası tərəfindən açıq şəkildə ortaya qoyulduğunu və dəyişməz qaldığını qeyd edib.

Memorandumun üçüncü ölkələrin suveren hüquqlarını pozduğunu və dəniz hüququna uyğun olmadığını iddia edən Koşta sazişin etibarsız olduğunu bildirib.

Koşta Yunanıstan və Kipr Respublikası ilə həmrəy olduqlarını bir daha vurğulayaraq Aİ-nin Liviyaya xarici müdaxilələrə qarşı məlum mövqeyini davam etdirdiyini qeyd edib.