Azərbaycan News Agency

İsrail Müdafiə Qüvvələrinin açıqlamasında komandirlərin bölgədə yaşayan fələstinli ailə ilə görüşdüyü və ailənin evdə elektrik və su infrastrukturunun mövcud olduğunu bildirdiyi qeyd olunub.

Açıqlamada evin yaxınlığında, B Bölgəsində və hərbi qapalı zona elan edilmiş ərazidə israilli mülki şəxslərin qaldığı sığınacağın qurulduğu bildirilib. Sərhəd Polisi qüvvələrinin sığınacağı götürdüyü və burada olan mülki şəxslərin təxliyəsi üçün işlərin davam etdiyi qeyd edilib.

Hadisənin davam etdiyi və təhlükəsizlik qüvvələrinin bölgədə olduğu bildirilib. Açıqlamada komandirlərin israilli mülki şəxslərin fələstinli ailəyə qarşı həyata keçirdiyi hərəkətlərə ciddi yanaşdığı və davam edən proseslə bağlı müxtəlif göstərişlər verdiyi qeyd olunub.

Bundan əlavə, bir neçə gün əvvəl bölgədə görüntülənən hadisədə iştirak edən təhlükəsizlik qüvvəsinin əməkdaşı barəsində intizam tədbirinin tətbiq edilməsinə qərar verildiyi bildirilib.

İsrail ordusu təhlükəsizlik qüvvələrinin bölgədə vəziyyətin yaxşılaşdırılması məqsədilə qətiyyətli və məsuliyyətli şəkildə fəaliyyətlərini davam etdirəcəyini bildirib.