Azərbaycan News Agency

Niderlandın Baş naziri Rob Jetten Qroningendə Uithuizen yaxınlığında baş verən zəlzələdən sonra bölgə sakinlərinin yaşadığı qorxu və narahatlığa diqqət çəkib.

Jetten Nazirlər Kabinetinin iclasından sonra keçirdiyi həftəlik mətbuat konfransında Qroningendə 2,8 bal gücündə zəlzələ baş verdiyini bildirib.

Zəlzələnin bölgə sakinləri arasında yenidən qorxu və narahatlığa səbəb olduğunu deyən Jetten, yeraltı təkanın qaz hasilatının dayandırılmasının bölgədəki problemləri tamamilə aradan qaldırmadığını bir daha göstərdiyini bildirib.

Baş nazir Jetten Qroningendəki vəziyyətin yaxından izlənilməsinin vacibliyini vurğulayaraq, zəlzələlərin bölgə əhalisinə təsirinin davam etdiyinə diqqət çəkib.

Jetten məsələnin Nazirlər Kabinetində də müzakirə edildiyini bildirərək, hökumət üzvlərinin Qroningen məsələsinə daim diqqət yetirilməsinin vacibliyi barədə razılığa gəldiyini qeyd edib.

Jetten həftəlik mətbuat konfransındakı giriş çıxışında həmçinin Şahzadə Gününə aparan prosesə və gələn həftə keçiriləcək Ukrayna Günü ilə bağlı gündəliyə də toxunub.