Azərbaycan News Agency

NATO Bolqarıstandakı qüvvələrinin ölkənin təhlükəsizliyinin təmin edilməsinə yönəlmiş vəzifələrini davam etdirdiyini açıqlayıb. Alyansın paylaşımında NATO qüvvələrinin quruda artilleriya bölmələri, ağır zirehli qüvvələr və mexanikləşdirilmiş piyadalarla fəaliyyət göstərdiyi bildirilib.

Açıqlamada NATO bölmələrinin Bolqarıstanın təhlükəsizliyini təmin etmək məqsədilə sahədə hazırlıqlarını davam etdirdiyi qeyd olunub.

Reaktiv təyyarələrin və hava hücumundan müdafiə sistemlərinin isə havadan gələ biləcək təhdidlərə qarşı müdafiə təmin etdiyi bildirilib.

NATO paylaşımında “Hazır qalmaq” mesajı ilə alyans qüvvələrinin quru və hava elementləri ilə mümkün təhdidlərə qarşı hazırlıqlı olduğunu vurğulayıb.