Azərbaycan News Agency

Avropa Komissiyasının sədr müavini Kaja Kallas Səudiyyə Ərəbistanının paytaxtı Ər-Riyaddakı beynəlxalq hava limanına husi hücumunu pisləyib.

Kallas açıqlamasında hücumu “dəhşətli terror aktı” adlandıraraq, mülki şəxslərə və mülki infrastruktura qarşı ayrı-seçkisiz hücumların heç bir şəkildə əsaslandırıla bilməyəcəyini bildirib.

Avropa İttifaqının Səudiyyə Ərəbistanı ilə həmrəy olduğunu bildirən Kallas həyatını itirənlərin ailələrinə başsağlığı verib və yaralılara tezliklə şəfa arzulayıb. Kallas həmçinin Səudiyyə Ərəbistanının xarici işlər naziri Faysal bin Ferhan ilə sıx təmasda olduğunu qeyd edib.

Kallas Avropa İttifaqının xarici işlər nazirlərinin bazar ertəsi bölgədə artan gərginliyi müzakirə edəcəyini bildirib. O, Qırmızı dənizdə fəaliyyət göstərən Aİ-nin Aspides dəniz missiyası ilə Səudiyyə Ərəbistanının rəhbərlik etdiyi Çoxmillətli Dəniz Müdafiə Koalisiyası arasında koordinasiyanın gücləndirilməsinin vacibliyinə diqqət çəkib.