Azərbaycan News Agency

Ukraynanın xarici işlər naziri Andrii Sybiha Səudiyyə Ərəbistanındakı Kral Xalid Beynəlxalq Hava Limanına 12 nəfərin ölümünə və 309 nəfərin yaralanmasına səbəb olan raket hücumunu pisləyib.

Sybiha açıqlamasında Səudiyyə Ərəbistanı rəhbərliyinə və xalqına, həyatını itirənlərin ailələrinə və qurbanlar arasında vətəndaşları olan ölkələrə başsağlığı verib. O, yaralılara da tezliklə şəfa arzulayıb.

Mülki infrastruktura hücumların beynəlxalq humanitar hüquq da daxil olmaqla beynəlxalq hüququn əsas prinsiplərinin açıq şəkildə pozulması olduğunu bildirən Sybiha Ukraynanın Səudiyyə Ərəbistanı ilə həmrəy olduğunu ifadə edib.

Sybiha Ukraynanın Səudiyyə Ərəbistanının suverenliyinə və ərazi bütövlüyünə dəstəyinin davam etdiyini vurğulayıb.