Azərbaycan News Agency

Braziliya Prezidenti Luiz İnasio Lula da Silva ABŞ Prezidenti Donald Tramp ilə telefon danışığının təfərrüatlarını paylaşıb.

İqtisadi və ticarət münasibətlərinə toxunan Lula deyib: “Prezident Tramp ABŞ və Braziliyanın iqtisadi artımının region üçün ümumilikdə müsbət olduğunu qeyd etdi. Son aylarda qurulan və Braziliya məhsullarına tətbiq edilən gömrük rüsumlarının mühüm hissəsinin ləğvi ilə nəticələnən yaxşı münasibətləri alqışlayırıq.”

Təhlükəsizlik və mütəşəkkil cinayətkarlıqla mübarizə sahəsində əməkdaşlıq təklifini təkrarlayan Lula əlavə edib: “Pul yuyulması, silah qaçaqmalçılığı və cinayət təşkilatlarının aktivlərinin dondurulması kimi məsələlərdə tərəfdaşlığın gücləndirilməsi təklifim ABŞ Prezidenti tərəfindən müsbət qarşılandı.”

Qlobal məsələlərə dair isə Lula deyib: “Sülh Şurasının yalnız Qəzza məsələsi ilə məhdudlaşmamasını və Fələstinə də bir yer verilməsini təklif etdim. Həmçinin BMT Təhlükəsizlik Şurasının daimi üzvlərinin sayının artırılmasını nəzərdə tutan hərtərəfli islahatın əhəmiyyətini bir daha vurğuladım.”