Azərbaycan News Agency

Braziliya Prezidenti Luiz Inácio Lula da Silva Yaxın Şərqdəki müharibənin qlobal yanacaq qiymətlərinə təsiri ilə bağlı açıqlama verib.

Lula deyib: “Yaxın Şərqdəki müharibə dünya üzrə yanacaq qiymətlərinə təsir edir. Braziliya hökuməti passiv qalmadı. Vergiləri sıfırladıq, xərclərin azalmasına kömək etdik və həddindən artıq qiymət artımlarının qarşısını almaq üçün nəzarəti artırdıq.”

Vətəndaşlara müraciət edən Lula deyib: “Əgər həddindən artıq qiymət görsəniz, şikayət edin.”

Lula həmçinin qeyd edib ki, görülən tədbirlər sayəsində Braziliya bu prosesdən ən az təsirlənən ölkələrdən biridir və əlavə edib: “Braziliya hökuməti xalqının yanındadır.”