Azərbaycan News Agency

Fransa Prezidenti Emmanuel Makron Livanda sabitlik prosesi və dövlət hakimiyyətinin möhkəmləndirilməsi ilə bağlı açıqlama verib.

Livanlı rəsmilərin addımlarını dəstəkləyən Makron deyib: “Livan hakimiyyətinin silahlar üzərində dövlət inhisarını yenidən bərpa etməyə yönəlmiş ümidverici bəyanatlarını alqışlayıram. Bu proses qətiyyətlə davam etdirilməlidir”.

Makron əlavə edib: “Planın ikinci mərhələsi həlledici addım olacaq. Atəşkəs razılaşmasına bütün tərəflər tərəfindən ciddi şəkildə əməl olunmalıdır. Livan xalqı bizə etibar edə bilər”.

Fransanın konkret addımlar atacağını vurğulayan Makron açıqlamasını belə tamamlayıb: “Fransa tərəfdaşları ilə birlikdə Livana və Livan Silahlı Qüvvələrinə olan öhdəliyini tam şəkildə davam etdirəcək. Bu suverenliyin təmin olunması üçün konkret yolları təqdim etmək məqsədilə yaxın zamanda Parisdə beynəlxalq konfrans keçiriləcək”.