Azərbaycan News Agency

Fransa Prezidenti Emmanuel Makron Aralıq dənizində həyata keçirilən dəniz əməliyyatı və sanksiyaların icrası ilə bağlı açıqlama verib.

Heç bir pozuntuya dözümlülük göstərilməyəcəyini vurğulayan Makron bildirib: “Heç bir pozuntuya dözməyəcəyik. Bu səhər Fransa Hərbi Dəniz Qüvvələri Rusiyadan gələn, beynəlxalq sanksiyalara məruz qalan və saxta bayraq altında üzməkdə şübhəli bilinən bir neft tankerinə qarşı əməliyyat həyata keçirdi.”

Əməliyyatla bağlı danışan Makron deyib: “Əməliyyat Aralıq dənizində açıq sularda bir neçə müttəfiqimizin dəstəyi ilə və Birləşmiş Millətlər Təşkilatının Dəniz Hüququ Konvensiyasına tam uyğun şəkildə həyata keçirilib.”

Makron gəmi ilə bağlı hüquqi prosesin başladıldığını və marşrutunun dəyişdirildiyini qeyd edərək əlavə edib: “Biz beynəlxalq hüquqa riayət etməyə və sanksiyaların effektiv şəkildə icrasını təmin etməyə sadiqik. Gizli donanmanın fəaliyyəti Ukraynaya qarşı aparılan təcavüzkar müharibənin maliyyələşdirilməsinə töhfə verir.”