Azərbaycan News Agency

Niderlandın Baş naziri Rob Yetten Fələstin Administrasiyasının Baş naziri Məhəmməd Mustafa ilə keçirdiyi telefon danışığının təfərrüatlarını bölüşüb.

Yetten sülh prosesinə Niderlandın yanaşmasını vurğulayaraq deyib: “Hollandiya Fələstin məsələsinə həssas yanaşmağa və iki dövlətli həllə sadiq qalmağa davam edir. Bunu Fələstin Administrasiyasının Baş naziri Məhəmməd Mustafa ilə telefon danışığım zamanı da vurğuladım.”

Fələstin Administrasiyasının institusional addımlarına dəstək verən Yetten bildirib: “Fələstin Administrasiyasının zəruri islahatlar üzərində intensiv işləməsi sevindiricidir. Qəzzadakı fəlakətli vəziyyəti və Qərb Sahilində hər gün daha da narahatedici hala gələn inkişafları müzakirə etdik.”

Baş nazir Yetten regional gərginliklər və məskunlaşma siyasətləri ilə bağlı tənqidlərini də dilə gətirərək bildirib: “Hollandiya İsrailin Qərb Sahilindəki genişlənməçi addımlarını qınayır və İranla olan qarşıdurma mühitində bu vəziyyətə diqqət yetirməyin vacibliyini vurğuladım.”