Azərbaycan News Agency

Fransa Prezidenti Emmanuel Makron sosial media hesabında paylaşdığı mesajda həftə ərzində respublika qaydalarını qorumaq üçün xidmət edən hüquq-mühafizə qüvvələrinə təşəkkür edib.

Makron çətin şəraitə baxmayaraq, dövlətin öz vəzifələrini tam şəkildə yerinə yetirdiyini bildirib və lisey şagirdlərinin həmkarlar ittifaqları ilə də görüşdüyünü açıqlayıb.

Makron hüquq-mühafizə qüvvələrinə təşəkkürünü bu sözlərlə ifadə edib:

“Hər kəsin adından bu həftə hər yerdə respublika qaydalarını təmin etmək üçün səfərbər olan hüquq-mühafizə qüvvələrimizə təşəkkür etmək istəyirəm. Onların sayəsində və çətin şəraitə baxmayaraq, dövlət öz vəzifələrinin öhdəsindən gəldi.”

Gənclərin tələblərinə də toxunan Makron cümə günü lisey şagirdlərinin həmkarlar ittifaqları ilə keçirdiyi görüşdə gənclərin haqlı gözləntilərini dinlədiyini bildirərək deyib: “Baş nazir və nazirlər sabahdan etibarən bu dialoqu davam etdirəcək və çox konkret cavablar verəcəklər.”