Azərbaycan News Agency

Qətərin beynəlxalq əməkdaşlıq üzrə dövlət naziri Məryəm bint Əli bin Nasir Əl-Misnəd Dohada keçirilən Dünya İnvestisiya Forumu çərçivəsində Livan və Cibuti nümayəndələri ilə görüşüb.

Qətər Xarici İşlər Nazirliyinin açıqlamasına görə, Əl-Misnəd Livanın iqtisadiyyat və ticarət naziri Əmir Bisat ilə görüşündə ikitərəfli əməkdaşlığın gücləndirilməsi və inkişaf etdirilməsi yollarını müzakirə edib. Tərəflər həmçinin qarşılıqlı maraq doğuran məsələləri nəzərdən keçiriblər.

Əl-Misnəd Cibutinin Ümumdünya Ticarət Təşkilatı yanında daimi nümayəndəsi və Ən Az İnkişaf Etmiş Ölkələrə Ticarətlə Bağlı Texniki Yardım üzrə Genişləndirilmiş İnteqrasiya Çərçivəsinin (EIF) İcraiyyə Şurasının sədri Xadra Əhməd Həsən ilə də görüşüb.

Görüşdə Qətər ilə Cibuti arasında əməkdaşlığın genişləndirilməsi imkanları və qarşılıqlı maraq doğuran məsələlər müzakirə olunub.