Azərbaycan News Agency

İtaliyanın Baş naziri Giorgia Meloni hakim Rosario Livatinonun ölümünün ildönümü münasibətilə açıqlama verib. Meloni Livatinonun ədaləti və qanunun aliliyini müdafiə edərək vəzifəsini güzəştsiz şəkildə yerinə yetirən hakim olduğunu bildirib.

Meloni Livatinonun mafiya tərəfindən qorxaqcasına həyata keçirilən sui-qəsd nəticəsində öldürüldüyünü bildirərək, “Bu gün onun cəsarətini, inancını və mafiya zorakılığı qarşısında heç vaxt geri addım atmamasını təmin edən həmin fövqəladə dürüstlüyünü bir daha hörmətlə yad edirik.” ifadələrini işlədib.

Meloni cəmi 37 yaşında olan Livatinonun nümayiş etdirdiyi nümunəvi mövqe və dürüstlük sayəsində əbədi olaraq qəhrəman kimi qalacağını bildirərək, “İtaliya onu unutmur.” deyib.