Azərbaycan News Agency

Misir Prezidenti Əbdülfəttah əs-Sisi Qahirədə Qətərin Baş naziri və xarici işlər naziri Şeyx Məhəmməd bin Əbdürrəhman bin Casim Al Sani ilə görüşüb.

Qətər Xarici İşlər Nazirliyinin açıqlamasına görə, Al Sani görüşün əvvəlində Qətər Əmiri Şeyx Təmim bin Həməd Al Saninin salamlarını Sisiyə çatdırıb. Sisi də Al Sani vasitəsilə Qətər Əmirinə salamlarını göndərib.

Görüşdə regional proseslər, gərginliyin azaldılması, eləcə də regionda təhlükəsizlik və sabitliyin gücləndirilməsinə yönəlmiş diplomatik səylər müzakirə olunub.

Tərəflər həmçinin Qəzza zolağında və işğal altındakı Fələstin ərazilərində baş verən son hadisələr, eləcə də qarşılıqlı maraq doğuran regional və beynəlxalq məsələlər barədə fikir mübadiləsi aparıblar.