Azərbaycan News Agency

Suriyanın xarici işlər və xaricdə yaşayan vətəndaşlar naziri Əsəd Həsən əş-Şeybani Pakistanın paytaxtı İslamabadda Pakistanın Baş naziri Məhəmməd Şahbaz Şəriflə görüşüb.

Suriya Xarici İşlər və Xaricdə Yaşayan Vətəndaşlar Nazirliyinin açıqlamasına görə, görüş əş-Şeybaninin Pakistana səfəri çərçivəsində keçirilib.

Görüşdə Suriya ilə Pakistan arasındakı ikitərəfli münasibətlər və iki ölkə arasında əməkdaşlığın müxtəlif sahələrdə inkişaf etdirilməsi müzakirə olunub.

Görüş zamanı iki dost ölkə arasındakı münasibətlərin ortaq maraqlara xidmət edəcək şəkildə gücləndirilməsi yolları nəzərdən keçirilib. Tərəflərin müxtəlif sahələrdə mövcud əməkdaşlığın inkişafına dair məsələləri müzakirə etdikləri bildirilib.

Suriyanın xarici işlər naziri əş-Şeybani görüşdə Pakistanın regional sülh və sabitliyin möhkəmləndirilməsində konstruktiv rolunu yüksək qiymətləndirib.