Azərbaycan News Agency

Qətərin Baş naziri və xarici işlər naziri Al-Tani Misirin xarici işlər, miqrasiya və xaricdə yaşayan misirlilər üzrə naziri Abdelatti ilə görüş keçirib.

Görüşdə regionda hərbi gərginliyin inkişafı və bunun regional və beynəlxalq təhlükəsizlik və sabitliyə ciddi təsirləri müzakirə olunub. Tərəflər bütün mübahisələrin sülh yolu ilə həll edilməsinin vacibliyini vurğulayıblar.

Baş nazir Al-Tani İranın Qətərə və region ölkələrinə qarşı əsassız hücumlarının dayandırılmasının vacibliyini qeyd edib və xüsusilə su, qida və enerji ilə bağlı həyati infrastruktur obyektlərinin hədəf alınmaması barədə xəbərdarlıq edib.

Həmçinin görüşdə koordinasiyanın gücləndirilməsi, birgə səylərin artırılması, danışıqlar masasına qayıdılması və böhranın ağıl və sağlam düşüncə çərçivəsində idarə olunmasının vacibliyi vurğulanıb.