Azərbaycan News Agency

İsrailin Baş naziri Benyamin Netanyahu son hücumlardan sonra müdafiə naziri İsrael Kats və təhlükəsizlik rəsmiləri ilə keçirdiyi görüşlərin ardından İsrail ordusuna yeni təhlükəsizlik tədbirlərinin tətbiqi barədə göstəriş verib.

Netanyahu deyib: "Terrorçulara, onları göndərənlərə və onlara dəstək verən hər kəsə çatacağıq və onları cavabdeh tutacağıq."

Bəyanata əsasən, Tel kəndi yaxınlığında hücumu həyata keçirdiyi bildirilən şəxsin evinin sökülməsi, Yəhudeya və Samariyada təhlükəsizlik qüvvələrinin gücləndirilməsi, yeni nəzarət məntəqələrinin yaradılması və silahların toplanması əməliyyatlarının genişləndirilməsi qərara alınıb.

Hücum zamanı həyatını itirən şəxsin ailəsinə başsağlığı verən Netanyahu bildirib ki, təhlükəsizlik qüvvələri terrorla mübarizədə tam səlahiyyətlə fəaliyyətlərini davam etdirəcəklər.