Azərbaycan News Agency

Pakistan Xarici İşlər Nazirliyinin həftəlik mətbuat brifinqində ölkənin son dövrdəki diplomatik təşəbbüsləri və beynəlxalq hadisələrlə bağlı açıqlamalar verilib.

Nazirlik bildirib ki, noyabrın 5-də BMT Təhlükəsizlik Şurası davam edən münaqişələr zamanı diplomatiyanın rolunu əhatə edən, Pakistanın təşəbbüsü ilə hazırlanmış sədr bəyanatını yekdilliklə qəbul edib. Bəyanatda atəşkəsə nail olunması, gərginliyin azaldılması və davamlı siyasi həll yollarının tapılması üçün vasitəçilik səylərinin və diplomatik əlaqə kanallarının davam etdirilməsinin vacibliyi vurğulanıb.

Pakistan Xarici İşlər Nazirliyi, həmçinin noyabrın 3-də BMT Baş Assambleyasının 81-ci sessiyası çərçivəsində Silahsızlanma və Beynəlxalq Təhlükəsizlik üzrə Birinci Komitənin Pakistan tərəfindən təqdim olunan üç qətnamə layihəsini qəbul etdiyini bildirib. Regional və subregional səviyyədə etimadın artırılması tədbirlərinə dair qətnamə səsvermə keçirilmədən qəbul olunub, regional səviyyədə adi silahlara nəzarətlə bağlı qətnamə isə 180 səs toplayıb. Nüvə silahına malik olmayan dövlətlərə təhlükəsizlik təminatlarının verilməsinə dair digər qətnamə 122 səslə qəbul edilib.

Nazirlik bildirib ki, noyabrın 4-də İslamabadda Pakistan ilə Böyük Britaniya arasında keçirilən Terrorizmlə Mübarizə Dialoqu zamanı iki ölkə terrorizmlə mübarizə sahəsində əməkdaşlığı nəzərdən keçirib və ortaq qətiyyətlərini bir daha təsdiqləyib.

Açıqlamada, həmçinin Pakistanın Əfqanıstandan qaynaqlanan terror təhdidlərinə dair qiymətləndirmələri və ölkənin su təhlükəsizliyini qorumaq istiqamətində həyata keçirdiyi diplomatik, hüquqi və texniki fəaliyyətlərə yer verilib.