Azərbaycan News Agency

Estoniyanın xarici işlər naziri Marqus Tsahkna sosial media hesabında etdiyi paylaşımda Ukraynanın atəşkəslə bağlı mövqeyini dəyərləndirib. Tsahkna bildirib ki, Ukrayna mənalı danışıqların başlaya bilməsi üçün əvvəlcə silahların susmasının vacibliyini dəfələrlə bəyan edib.

Rusiyanın atəşkəs əvəzinə bombardmanları üstün tutduğunu və Ukrayna şəhərlərinə, eləcə də mülki infrastruktura hücumlarını davam etdirdiyini bildirən Tsahkna TVP World-ə verdiyi müsahibədə Rusiya Prezidenti Vladimir Putinin müharibəni dayandıra biləcək yeganə şəxs olduğunu deyib. Tsahkna atəşkəsin danışıqların başlanması üçün ilk siqnal olacağını qeyd edib.