Azərbaycan News Agency

Pakistan Xarici İşlər Nazirliyinin açıqlamasına görə, Pakistanın baş nazirinin müavini və xarici işlər naziri Məhəmməd İshaq Dar İranın xarici işlər naziri Abbas Arakçi ilə danışıb.

Görüş zamanı regional vəziyyət, Livandakı hadisələr və atəşkəs pozuntuları müzakirə olunub. İranın xarici işlər naziri Arakçinin İsrailin Livandakı atəşkəs pozuntuları və Beyrutun bəzi bölgələrinə mümkün hücum qərarları ilə bağlı narahatlığını ifadə etdiyi bildirilib.

Açıqlamada Pakistan tərəfinin də atəşkəsin qorunmasının vacibliyini vurğuladığı və tərəflərin regional gərginliyin azaldılması məsələsində sıx təmasda qalmaq barədə razılığa gəldiyi qeyd olunub.