Azərbaycan News Agency

Fransa Prezidenti Emmanuel Makron Konqo Demokratik Respublikasının (KDR) Prezidenti Feliks Tşisekedi ilə görüşüb.

Görüş zamanı ölkənin şərqində Ebola virusu xəstəliyi ilə bağlı yaranmış səhiyyə vəziyyəti müzakirə olunub.

İki lider epidemiyaya qarşı koordinasiyalı mübarizə aparmaq iradəsini bir daha təsdiqləyib.

Makron iki ölkə arasında iqtisadi əlaqələrin özəl sektorun dəstəyi ilə gücləndirilməsinin də hədəfləndiyini bildirərək deyib: "Sonda Konqo Demokratik Respublikasının şərqindəki vəziyyət barədə fikir mübadiləsi apardıq. Fransa Konqo Demokratik Respublikasının bütün ərazisi üzərində tam suverenliyinin bərpa olunmasını təmin etmək məqsədilə davam edən sülh səylərini dəstəkləyir."