Azərbaycan News Agency

Çexiya Respublikasının Prezidenti Petr Pavel infrastruktur, enerji və texnologiya sahələrində əməkdaşlığın Çex iqtisadiyyatı və regional inkişaf üçün əhəmiyyətini vurğulayıb.

Zirvənin əsas diqqət mərkəzinin bağlantı olduğunu bildirən Pavel deyib: "Bu ilki Üç Dəniz Təşəbbüsü zirvəsi tamamilə bağlantı üzərində qurulub. İnfrastrukturdan enerjiyə, texnologiya layihələrinə qədər hər şey bu çərçivədədir."

Əməkdaşlığın iqtisadiyyata təsirini vurğulayan Pavel bildirib: "Əməkdaşlıq sayəsində Çexiyada daha sürətli dəmir yolu əlaqələri, daha sabit enerji mənbələri və daha güclü iqtisadiyyat əldə edə bilərik."

Regionun iqtisadi ölçüsünə və əhəmiyyətinə diqqət çəkən Pavel əlavə edib:

"Estoniyadan Yunanıstana qədər uzanan region 120 milyondan çox əhaliyə malikdir və Avropanın ümumi rəqabət qabiliyyətini artırmaq üçün böyük potensiala sahibdir."