Azərbaycan News Agency

Ukrayna Prezidenti Volodimir Zelenski Finlandiyanın Baş naziri Petteri Orpo ilə keçirdiyi mətbuat konfransında Ukraynadakı sığınacaq layihələrinin maliyyələşdirilməsi istiqamətində görülən işləri dəyərləndirib.

Zelenski Sığınacaqlar Koalisiyasının liderlərindən biri olan Finlandiya ilə koalisiya çərçivəsində əlavə maliyyənin təmin edilməsi barədə razılığa gəldiklərini bildirib. Prezident Zelenski Ukraynanın müxtəlif bölgələrində bir sıra sığınacaq layihələrinin davam etdiyini qeyd edərək bəzi layihələrin yaxın zamanda tamamlanacağını, xəstəxanalardakı sığınacaqlar kimi daha mürəkkəb işlərin isə davam etdiyini ifadə edib.

Ukrayna Prezidenti Zelenski mobil sığınacaqların təmin edilməsinə də önəm verdiklərini vurğulayıb. O, 16 üzvdən ibarət Sığınacaqlar Koalisiyasının fəaliyyətə başladığını və Finlandiyanın koalisiyaya qoşulan digər ölkələrlə beynəlxalq görüş təşkil etməyə çalışacağını bildirib.

Zelenski Avropa ölkələri arasında sığınacaq tikintisi sahəsində ən böyük təcrübəyə və ən yüksək keyfiyyətə Finlandiyanın sahib olduğunu qeyd edib.