Azərbaycan News Agency

Xorvatiyanın Baş naziri Andrey Plenkoviç Monteneqro Xorvat Milli Şurasının sədri Zvonimir Dekoviç və Xorvat Vətəndaş Təşəbbüsünün lideri Adrian Vuksanoviç ilə görüş keçirdiyini açıqlayıb.

Görüş zamanı Xorvatiya hökumətinin Monteneqroda yaşayan xorvat icmasına yönəlmiş layihələrə güclü dəstəyi bir daha təsdiqlənib. Son 10 ildə bu sahədə mühüm irəliləyişlərin əldə olunduğunu bildirən Plenkoviç icmanın mədəni kimliyinin qorunması üçün yeni addımların atılacağını vurğulayıb.

Görüşün nəticəsi olaraq Lastvada yerləşən “Josip Marković” Mədəniyyət Evinin idarəçiliyinin rəsmi şəkildə Monteneqrodakı xorvat icmasına təhvil veriləcəyi bildirilib. Xorvatiya hökuməti isə binanın yenilənməsi layihəsini “strateji layihə” elan edərək onun müasir görüş və mədəniyyət mərkəzinə çevrilməsini təmin edəcək.