Azərbaycan News Agency

Xorvatiya Baş naziri Andrej Plenkoviç, Kopenhagendə Avropa Komissiyasının qeyri-rəsmi iclasında iştirak edib. O qeyd edib ki, Avropa liderləri ilə birlikdə qlobal təhlükəsizlik çağırışları fonunda Ukraynaya hərtərəfli dəstəyin davam etdirilməsi, Aİ-nin genişlənməsi və Avropa müdafiəsinə daha çox investisiya qoyuluşu məsələləri müzakirə olunub və əlavə edib:

"Ukraynaya daha çox dəstək göstərilməsi və Rusiya təcavüzünün maliyyələşdirilməsinin dayandırılması baxımından, Rusiyadan enerji təchizatının kəsilməsi ilə bağlı Aİ-nin ortaq mövqeyi qəbul etməsi də vacibdir. LNG terminalı və JANAF neft kəməri ilə Xorvatiya özünü regional enerji mərkəzi və Avropanın enerji təhlükəsizliyinə töhfə verən bir ölkə kimi təqdim edir."

Plenkoviç vurğulayıb ki, Ukraynada müharibənin başa çatdırılması və ərazi bütövlüyünə və suverenliyə hörmətlə ədalətli və davamlı sülhə nail olunması çox vacibdir.