Azərbaycan News Agency

İran Parlamentinin sədri Məhəmməd Baqir Qalibaf Qərb ölkələrinin diplomatik ritorikası ilə bağlı açıqlama verib.

Proses ərzində ziddiyyətli açıqlamaların verildiyini bildirən Qalibaf deyib: «"Böyük hücum gəlir... dayanın, boş verin, onlar danışıqlar aparmaq istəyirlər." Bu, davamlı şəkildə təkrarlanan bir teatr diplomatiyasıdır.»

Qalibaf tətbiq olunan strategiyanın uğursuz olduğunu vurğulayaraq bildirib: «Zorakılıq, yerinə yetirilməyən vədlər və saxta xəbərlərdən təzyiq vasitəsi kimi istifadə uğursuz strategiyadır.»

Qalibaf açıqlamasını belə yekunlaşdırıb: «Həqiqətləri qəbul edin və öhdəliklərinizi yerinə yetirin. Bizə daha çox teatr lazım deyil.»