Azərbaycan News Agency

Ukrayna Prezidenti Volodimir Zelenski bildirib ki, hazırda ən böyük problem Rusiyanın həyata keçirdiyi hava hücumlarıdır.

ABŞ və müttəfiqlərinin Ukraynanın nəyə ehtiyacı olduğunu dəqiq bildiyini vurğulayan Zelenski deyib: "Amerika Birləşmiş Ştatları bizim nəyə ehtiyacımız olduğunu dəqiq bilir və bu, mücərrəd bir məsələ deyil. Söhbət insanların həyatını qorumaqdan gedir. Bunlar real insanlar, ayrı-ayrı insan həyatlarıdır."

Müdafiə dəstəyinin təmin edilməsi üçün siyasi qərarların vacibliyini qeyd edən Zelenski bildirib: "Hava hücumundan müdafiə dəstəyinə ehtiyac var və bunun üçün siyasi qərarlar lazımdır. Həm Avropada, həm də G7 ölkələrində."