Qətər İranın Türkiyə və Azərbaycanı hədəf alan hücumlarını pislədi
Doha, 5 mart (Hibya) – Qətər Dövləti İranın Türkiyəyə qarşı həyata keçirdiyi ballistik raket hücumunu və Azərbaycandakı bir hava limanına pilotsuz uçuş aparatı ilə edilən hücum cəhdini qətiyyətlə pislədi.
Qətər Xarici İşlər Nazirliyi İranın region ölkələrini hədəf alan hərbi fəaliyyətləri ilə bağlı yazılı açıqlama yayıb. Açıqlamada hücumların dövlət suverenliyini açıq şəkildə pozduğu və regional sabitliyi ciddi risk altına qoyduğu bildirilib.
Xarici İşlər Nazirliyi hadisələri “təhlükəli eskalasiya” və “dövlət suverenliyinin açıq pozulması” kimi qiymətləndirərək onların regional təhlükəsizlik və sabitliyi təhdid etdiyini vurğulayıb.
Nazirlik hücumların İran İslam Respublikasının bir sıra “düşünülməmiş” addımlarının bir hissəsi olduğunu qeyd edib. Həmçinin İranın yeni cəbhələr açmağa və qonşu ölkələrlə gərginliyi artırmağa davam etməsinin regionun sabitliyi üçün ciddi risk yaratdığı bildirilib.
Qətər Dövləti Türkiyə və Azərbaycanla tam həmrəy olduğunu və hər iki ölkənin suverenliyini, təhlükəsizliyini və ərazi bütövlüyünü qorumaq üçün gördüyü tədbirləri dəstəklədiyini bəyan edib.
Azərbaycan İnformasiya Agentliyi
Facebook
Tweeter
Whatsapp
