Azərbaycan News Agency

Qətər Pakistanın Bəlucistan əyalətində polis və hərbi qulluqçulara qarşı həyata keçirilən, insan tələfatına səbəb olan silahlı hücumları pisləyib.

Qətər Xarici İşlər Nazirliyinin bəyanatında Bəlucistanda təhlükəsizlik qüvvələrini hədəf alan hücumların qətiyyətlə pisləndiyi və hadisə nəticəsində həyatını itirənlərlə bağlı dərin kədərin ifadə olunduğu bildirilib.

Bəyanatda Qətərin zorakılığı, terrorizmi və cinayət xarakterli fəaliyyətləri səbəbindən və ya motivindən asılı olmayaraq qəti şəkildə rədd etdiyi bir daha vurğulanıb.

Qətər Xarici İşlər Nazirliyi həlak olan təhlükəsizlik əməkdaşlarının ailələrinə, eləcə də Pakistan hökuməti və xalqına başsağlığı verib.