Azərbaycan News Agency

Qətərin Baş naziri və xarici işlər naziri Şeyx Məhəmməd bin Əbdürrəhman bin Casim Al Sani ilə ABŞ Dövlət katibi Marko Rubio telefon danışığı zamanı iki ölkə arasındakı əməkdaşlığı və regional hadisələri nəzərdən keçiriblər.

Qətər Xarici İşlər Nazirliyinin açıqlamasına əsasən, danışıqda Qətər ilə ABŞ arasında strateji tərəfdaşlığın gücləndirilməsi, diplomatik səylər və regional gərginliyin azaldılmasına yönəlmiş koordinasiya məsələləri müzakirə olunub.

Qətərin Baş naziri Al Sani dəniz nəqliyyatının sərbəstliyini təmin edəcək və regionda davamlı sülhə nail olunmasına şərait yaradacaq hərtərəfli razılaşmanın əldə edilməsi məqsədilə həyata keçirilən diplomatik təşəbbüslərə Qətərin dəstəyini bir daha təsdiqləyib.