Azərbaycan News Agency

Qətər Xarici İşlər Nazirliyinin açıqlamasına görə, Qətərin Baş naziri və xarici işlər naziri Şeyx Məhəmməd bin Əbdürrəhman Al Sani ilə Türkiyənin xarici işlər naziri Hakan Fidan arasında telefon danışığı olub.

Danışıq zamanı iki ölkə arasındakı əməkdaşlıq və onun gücləndirilməsi yolları nəzərdən keçirilib. Tərəflər həmçinin regional hadisələri müzakirə edərək gərginliyin azaldılması, regional təhlükəsizlik və sabitliyin dəstəklənməsi məqsədilə həyata keçirilən diplomatik təşəbbüslərə və birgə koordinasiyaya diqqət yetiriblər.

Al Sani dəniz nəqliyyatında sərbəst hərəkəti təmin etməyə və regionda davamlı sülh yaradacaq hərtərəfli sazişə yol açmağa yönəlmiş diplomatik səylərə Qətərin dəstəyini bir daha təsdiqləyib.