Azərbaycan News Agency

Litvanın xarici işlər naziri Kestutis Budris Berlində Almaniya Bundestaqının Almaniya-Baltik Parlament Qrupunun üzvləri ilə görüşüb. Budris görüş zamanı Almaniyaya Avropa təhlükəsizliyinin gücləndirilməsində liderliyinə, Litvada yerləşdirdiyi briqadaya və iki ölkə arasındakı əməkdaşlığa görə təşəkkür edib.

Almaniyanın Litvanın təhlükəsizliyinə dair öhdəliyini qiymətləndirən Budris deyib: “Almaniyanın Litvanın təhlükəsizliyinə bağlılığı müttəfiqlərin birliyinin və kollektiv müdafiənin güclü göstəricisidir.” Budris Almaniya ilə Litva arasındakı dostluğun və regional əməkdaşlığın əhəmiyyətini də vurğulayıb.

Avropanın təhlükəsizliyi ilə Ukraynanın təhlükəsizliyinin bir-biri ilə bağlı olduğunu vurğulayan Budris deyib: “Biz birliyimizi qorumalı, müdafiəmizi gücləndirməli və Ukraynaya dəstəyimizi artırmalıyıq.”