Azərbaycan News Agency

Qətər Xarici İşlər Nazirliyinin yaydığı açıqlamada Təhlükəsizlik Şurası üzvlərinin 7 avqustda dərc etdiyi və husilərin 13 iyuldan bəri Səudiyyə Ərəbistanına raket hücumlarını, həmçinin 22 iyuldan bəri kommersiya gəmilərinə hücumlarını pisləyən bəyanatın alqışlandığı bildirilib.

Açıqlamada beynəlxalq hüquqa və Təhlükəsizlik Şurasının müvafiq qərarlarına, xüsusilə 2216 saylı qətnaməyə əməl olunmasının vacibliyinin vurğulanmasının məmnunluqla qarşılandığı qeyd edilib və regional təhlükəsizliyi, eləcə də dəniz naviqasiyasının hüquq və azadlıqlarını təhdid edən hərəkətlərin rədd edildiyi bildirilib.

Açıqlamada Qətərin Səudiyyə Ərəbistanı ilə “tam həmrəylik” içində olduğu və ölkənin suverenliyini və təhlükəsizliyini qorumaq məqsədilə gördüyü bütün tədbirləri dəstəklədiyi qeyd olunub. Həmçinin bildirilib: “Səudiyyə Ərəbistanının təhlükəsizliyi Qətərin və Körfəz Əməkdaşlıq Şurasına üzv dövlətlərin təhlükəsizliyinin ayrılmaz hissəsidir.”