Quterreş: Bu hücumlar dayandırılmalıdır
Nyu-York, 25 aprel (Hibya) - Birləşmiş Millətlər Təşkilatının (BMT) Baş katibi Antonio Quterreş mart ayında İsrail Müdafiə Qüvvələrinin tankından UNIFIL mövqeyinə atılan mərmi nəticəsində yaralanan indoneziyalı sülhməramlının həyatını itirməsindən dərin kədər duyduğunu bildirib.
Quterreş həlak olan sülhməramlının ailəsinə, dostlarına və həmkarlarına dərin hüznlə başsağlığı verib, yaralanan digər şəxsi heyətə isə tezliklə və tam sağalma arzulayıb.
Açıqlamada bildirilib ki, Hizbullah ilə İsrail Müdafiə Qüvvələri arasında baş verən son hadisələr zamanı UNIFIL tərkibində xidmət edən altı sülhməramlı həyatını itirib, çoxsaylı hərbçi isə ağır yaralanıb.
Quterreş çağırış edərək bildirib: “Bu hücumlar dayandırılmalıdır.”
Azərbaycan İnformasiya Agentliyi
Facebook
Tweeter
Whatsapp
