Azərbaycan News Agency

Birləşmiş Millətlər Təşkilatının Baş katibi Antonio Quterreş işğal altındakı Fələstin ərazilərində vəziyyətin nəzarətdən çıxdığını bildirib.

Qəzzaya əsas humanitar yardımların İsrail tərəfindən ciddi şəkildə məhdudlaşdırılmasının davam etdiyini qeyd edən Quterreş işğal altındakı İordan çayının qərb sahilində fələstinlilərin israilli məskunlaşanların gündəlik hücumlarına məruz qaldığını, jurnalistlərin və diplomatların da hücuma uğradığını bildirib.

Quterreş işğala son qoyulması və iki dövlətli həllin həyata keçirilməsi üçün etibarlı siyasi prosesin zəruri olduğunu vurğulayıb. O, İsrail və Fələstinin sülh və təhlükəsizlik şəraitində yanaşı yaşayacağı davamlı sülhün təmin edilməsinə çağırış edib.