Azərbaycan News Agency

Qətər, Azərbaycan, Bəhreyn, Misir, İordaniya, Küveyt, Livan, Pakistan, Səudiyyə Ərəbistanı, Suriya, Türkiyə və Birləşmiş Ərəb Əmirliklərinin xarici işlər nazirləri Riyadda İranın hücumları ilə bağlı məsləhətləşmə görüşü keçiriblər.

Görüşdə İranın Körfəz Əməkdaşlıq Şurası ölkələrinə, İordaniyaya, Azərbaycana və Türkiyəyə qarşı hücumları müzakirə olunub.

Nazirlər bildiriblər ki, ballistik raketlər və pilotsuz uçuş aparatları ilə həyata keçirilən hücumlar yaşayış məntəqələrini, mülki infrastruktur obyektlərini, neft obyektlərini, hava limanlarını və diplomatik nümayəndəlikləri hədəf alıb və bu hücumları pisləyiblər.

Nazirlər vurğulayıblar ki, bu hücumlar heç bir halda əsaslandırıla bilməz və İrana hücumları dərhal dayandırmağa çağırıblar.

Nazirlər qeyd ediblər ki, dövlətlər BMT Nizamnaməsinin 51-ci maddəsinə əsasən özünü müdafiə hüququna malikdir və beynəlxalq hüquqa və yaxşı qonşuluq prinsiplərinə əməl olunmasının vacibliyini vurğulayıblar.

Nazirlər bildiriblər ki, İranla münasibətlərin gələcəyi suverenliyə hörmət və daxili işlərə müdaxilə edilməməsindən asılıdır və hərbi imkanların regionu təhdid edəcək şəkildə istifadə olunmamalı olduğunu vurğulayıblar.

Həmçinin Hörmüz boğazı və Bab əl-Məndəbdə dəniz təhlükəsizliyini təhdid edəcək addımlardan çəkinməyin vacibliyi qeyd olunub.

Nazirlər Livanın təhlükəsizliyi və ərazi bütövlüyünə dəstəklərini bir daha ifadə edərək İsrailin Livana hücumlarını da pisləyiblər.