Azərbaycan News Agency

İsrailin xarici işlər naziri Gideon Saar ABŞ senatoru Rik Skottla Qüdsdə görüşüb. Görüşlə bağlı açıqlama verən Saar Skottu İsrail Dövlətinin və yəhudi xalqının əsl dostu adlandırıb.

Skotta İsrailə uzun illər göstərdiyi dəstəyə görə təşəkkür etdiyini bildirən Saar görüş zamanı Yaxın Şərqdəki son hadisələri müzakirə etdiklərini qeyd edib.

Saar Skottun boykot hərəkatına və İsrailə qarşı iqtisadi təzyiq göstərmək cəhdlərinə qətiyyətlə qarşı çıxdığını vurğulayaraq deyib: “Senator Skott boykot hərəkatına qarşı mübarizədə və İsrailə ədalətsiz iqtisadi təzyiq göstərmək cəhdlərinə qarşı qətiyyətlə İsrailin yanında dayanır.”