Azərbaycan News Agency

İsrailin xarici işlər naziri Gideon Sa'ar Almaniya Federal Hökumətinin Yəhudi Həyatı və Antisemitizmlə Mübarizə üzrə Federal Komissarı Katharina von Schnurbeini qəbul edib.

Sa'ar von Schnurbeini yeni vəzifəsi münasibətilə təbrik etdiyini və onun əvvəlki vəzifəsindəki fəaliyyətini yüksək qiymətləndirdiyini bildirib. Görüşdə Avropanı və dünyanı bürüyən antisemitizm dalğasını, eləcə də İsrailin legitimliyinin inkar edilməsi və şeytanlaşdırılması ilə özünü göstərən yeni antisemitizm formasını müzakirə etdiklərini qeyd edib.

Sa'ar Katharina von Schnurbeini antisemitizmlə mübarizədə tərəfdaş hesab etdiklərini bildirərək bu sahədə sıx əməkdaşlığı davam etdirmək istədiklərini ifadə edib.