Azərbaycan News Agency

İsrailin Xarici İşlər naziri Saar Somaliland Prezidenti Abdirahman Mohamed Abdullahi ilə telefonla danışıb.

Saar bildirib ki, ötən il hərtərəfli və davamlı dialoq əsasında İsrail ilə Somaliland arasında münasibətlər qurulub və əlavə edib: “İsrailin Baş naziri Benyamin Netanyahu və Somaliland Prezidenti Abdirahman Mohamed Abdullahi-nin qərarına uyğun olaraq, bu gün qarşılıqlı tanınma və tam diplomatik münasibətlərin qurulmasına dair sazişi imzaladıq. Bu saziş səfirlərin təyin olunmasını və səfirliklərin açılmasını da əhatə edəcək.”

Saar xalqlar arasında münasibətlərin, regional sabitliyin və iqtisadi rifahın inkişafı üçün birgə çalışacaqlarını vurğulayaraq qeyd edib: “Ölkələrimiz arasında əlaqələrin müxtəlif sahələrdə institusionallaşdırılması üçün ofisimə dərhal hərəkətə keçmək barədə göstəriş verdim.”