Azərbaycan News Agency

İsrailin xarici işlər naziri Gideon Saar Avropa İttifaqının xarici əlaqələr üzrə ali nümayəndəsi Kaya Kallas, Almaniyanın xarici işlər naziri Yoxann Vadeful və Yunanıstanın xarici işlər naziri Yorqos Gerapetritis ilə telefon danışığı aparıb.

Danışıqlarda nazir Saar Suriyada azlıqlara – ələvilər, kürdlər, druzilər və xristianlara – qarşı həm rejim qüvvələri, həm də onları dəstəkləyən cihadçı qruplar tərəfindən törədilən qətliam və hücumların təkrar olunan hadisəyə çevrildiyini vurğulayıb. O, həmçinin bu üsyanların rejimin maraqları naminə daim istismar edildiyini bildirib.

Saar İsrailin cənub Suriyada təhlükənin yaranmasının qarşısını almaq və druz icmasının zərər görməsinin qarşısını almaq istiqamətində maraqlarını və qətiyyətini də vurğulayıb.