Azərbaycan News Agency

Özbəkistanın xarici işlər naziri Baxtiyor Saidov Türkiyənin xarici işlər naziri Hakan Fidan ilə telefon danışığı apardıqlarını açıqlayıb.

Danışığın məzmunu barədə məlumat verən Saidov deyib: «Danışığımız zamanı ikitərəfli və çoxtərəfli əməkdaşlığın müxtəlif sahələrini müzakirə etdik. Qarşıdakı tədbirlərə hazırlıq, strateji tərəfdaşlığın gücləndirilməsi, eləcə də regional və qlobal məsələlər ətrafında fikir mübadiləsi apardıq».

Qurumlararası əlaqələndirmənin əhəmiyyətinə toxunan Saidov açıqlamasını belə tamamlayıb: «Özbəkistan və Türkiyə Xarici İşlər nazirlikləri ölkələrimiz arasında əldə olunmuş bütün razılaşmaların vaxtında və səmərəli şəkildə icrasını təmin etmək üçün sıx əməkdaşlığı davam etdirəcək».